Најмалку едно лице е уапсено, според локалните медиуми, во инцидентите што се случија пред Универзитетот „Аристотел“ во Солун кога група маскирани лица се судрија со полицијата, јави дописничката на МИА од Атина.

Според истите информации, грчката полиција интервенирала со солзавец и шок бомби откако била нападната со дрва и разни предмети пред делот од Универзитетот каде што се работи на изградба на библиотека, односно во простор што претходно, со години беше под опсада од анархисти.

Непознати лица, пред три дена влегоа во конкретниот простор и го вандализираа сето она што беше изградено во првата фаза.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.