Руските и украинските мировни преговарачи денеска одржаа 90-минутен видео-повик, а работните групи ќе продолжат со разговори во текот на денот, изјави членот на украинската делегација Давид Арахамија.

Денеска ќе работиме цел ден – истакна Арахамија.

Двете земји досега одржаа неколку рунди преговори, кои започнаа во Белорусија, а од неодамна се одржуваат преку видео-конференција.

Украинскиот претседател Володимир Зеленски претходно изјави дека е категоричен дека Украина нема да прифати никакви мировни услови кои го компромитираат нејзиниот територијален интегритет.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.