Дваесетина патници од косовски автобус се повредени во сообраќајната несреќа која рано утрово се случила на автопатот кај градот Еугендорф во Австрија.

Во моментов знаеме за тројца тешко и 16 полесно повредени, изјави портпаролката на австрискиот Црвен крст Роберта Танер.

Несреќата се случила околу три часот по полноќ меѓу излезот од автопатот Салцбург Север и Валерце во правец на Виена.

На тој дел од автопатот во тек се работи и пренасочување на сообраќајот при што возилата се движат во двата правци.

Автобус со околу 25 патници удрил во бетонски столб од засега неразјаснети причини, изјави за агенцијата АПА портпаролот на полицијата Ханс Волфгрубер.

Автобусот превезувал патници од Хановер во Германија кон Косово, пишува „Телеграф“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.