Земјотрес со јачина од 4,2 степени е регистриран денеска во областа Коња во централна Турција, соопшти владината Дирекција за управување со катастрофи и вонредни состојби (АФАД).

Според податоците на АФАД, земјотресот е регистриран во 2 часот и 14 минути, а епицентарот бил во градот Кулу, кој се граничи со областа Анкара. Неговата длабочина била 7,86 километри.

Земјотресот бил почувствуван и во соседните области.

Нема извештаи за штети или повредени.

Земјотресот во областа Коња загрижи многумина, бидејќи областа не е меѓу познатите сеизмички зони, објавија турските медиуми.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.