Почина израелската гранична полицајка која утрово се здоби со тешки повреди при напад со нож во Ерусалим, соопшти израелската полиција.

Таа беше нападната од 16-годишен Палестинец пред полициска станица во Источен Ерусалим, кој Израел го анектираше откако го освои во Шестдневната војна во 1967 година.

Во соопштението полицијата наведува дека „терористот е неутрализиран“.

Полицајката (20), која има и американско државјанство, се преселила во Израел пред две години и живеела во кибуц во близина на границата на Појасот Газа во област нападната од членовите на исламската екстремистичка група Хамас на 7 октомври.

Оттогаш, убиени се 59 израелски полицајци, објавија израелските медиуми.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.