Либанското шиитско движење Хезболах презеде одговорноста за ракетно-артилериски напад врз областа Шаба, окупирана од Израел, наведувајќи дека дејствува „во солидарност“ со палестинскиот народ.
Во писмената изјава, Хезболах тврди дека нападот бил насочен кон три пунктови, вклучително и „радарска локација“ во Фармите на Шаба, територија окупирана од Израел во 1967 година.
Израелската армија претходно соопшти дека гранатирала област во Либан од каде претходно беше нападнат Израел.
Израелската војска, исто така, соопшти дека нејзиното беспилотно летало погодило пост на Хезболах во областа Хар Дов, во близина на границата со Либан.
Хамас по вчерашниот масовен напад врз Израел ги повика сите Палестинци и другите поддржувачи да се вклучат во вооружената борба.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.