Македонија со оваа власт не е спремна да одговори на уште една криза покрај тие четири кои веќе ги имаме, имајќи го предвид она што се случува и на економско поле и на надворешен план и ценам дека оваа влада нема капацитет да се справи со уште една криза, особено не од такви размери – изјави Марија Митева, член на ИК и портпаролка на ВМРО-ДПМНЕ, за Анализа на „24 Телевизија“, говорејќи во врска со можните последици од настаните во Украина и посочи дека мора како држава да ја следиме ситуацијата.

Митева истакна дека плаши фактот што кризите во Македонија брзо доаѓаат и траат многу долго и додека сите држави веќе прават анализи, нашата влада се уште не презема никакви чекори.

Во една ваква консталација на настаните не можеме да очекуваме дека нас ќе не одмине, а гледаме дека останатите држави од регионот и светот веќе прават определени работни тела во кои членуваат определени владини претставници, на стопански комори, енергетски субјекти и прават анализи кои се очекувањата за 2 дена, 2 месеци или 1 година и врз основа на тоа ги прават своите економски проекции – посочи Митева.

Таа нагласи дека подобро е владата да се занимава како да ги неутрализира ефектите кои ќе ги има македонската економија.

Ако ние сме свесни дека Германија увезува гас од Русија, односно увезува 40% нафта, а 50% гас, а ако на Македонија топ држави со увозна и извозна соработка се Германија и Италија, би требало економскиот тим во државата да се запраша каков ефект ќе има тоа врз фирмите кои склучиле договор за набавка на 5 години или суровините со железо и челик кои се очекува дека ќе растат, а се основен ресурс на индустријата како што се автомобилската и машинската, бидејќи имаме голем број на компании кои се занимаваат со тоа – изјави Митева.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.