Кавадарци има излезност од 28,51 отсто на претседателските и 28,53 проценти на парламентарните избори, до 13 часот. Во Росоман, 22.81 отсто е излезноста на парламентарните и 22.92 проценти на претседателските избори, за тој период. За ова информираа од општинските изборни комисии.

Во Кавадарци се гласа на 60 гласачки места, се гласа за претседател на државата и пратенички мандати, информираше претседателката на Општинската изборна комисија, Емилија Петровска.

Запишани се вкупно 31.982 избирачи за парламентарните избори, 31.926 за претседателските, со право на глас во Кавадарци.

Во Росоман се гласа на десет избирачки места. Претседателот на општинската изборна комисија, Зоран Костов, соопшти дека вкупно 3.300 избирачи се евидентирани во списокот за гласање на денешните избори во општината Росоман.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.