Матична лекарка од Демир Капија ќе одговара за смртта на малиот Илче. Обвинителството после година и половина поднесе обвинение против докторката бидејќи преку телефон го лекувала 11 годишното дете од Охрид со церебрална парализа кое беше напуштено од родителите и сместено во семеен дом во селото Куршеница под надлежност на специјалистичкиот завод во Демир Капија. Иако имала обврска матичната воопшто не го прегледала детето кое 5 дена имало висока температура и дијареа, а починало од дехидрираност.

-Спротивно на Договорот, здравствената помош ја укажувала без да изврши непосреден физикален преглед на детето, ординирала терапија и неговата состојба ја следела со телефонски известувања, не дала инфузија, па поради тоа дошло до влошување на здравствената состојба на детето, настанала дехидрираност на неговиот организам и на 05.10.2020 година настапила смрт., стои во соопштението од Јавното обвинителство.

Малиот Илче од Охрид ја крена јавноста на нозе , откако негова соседка пријави дека спие на чергиче и година дена не било искапено. Детето со церебрална парализа прво било напуштено од таткото, а потоа и од мајката. Во тешка состојба поради запуштеноста беше хоспитализирано на Детската клиника, а месец дена пред да почине Илче престојуваше во семеен дом во околината на Демир Капија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.