Стрпската актерка, Тамара Драгичевиќ, се најде во центар на интересот на српските медиуми отркако со улогата на Силвана Арменулиќ, во филмскиот хит „Тома“ на Драган Бјелогрлиќ ги освои срцата на балканската публика.

Тамара за српските медиуми вели дека самата била многу трогната за време на снимањето на филмот и дека емоциите и впечатоците се уште се присутни кај неа.

Сè уште не сум свесна за успехот и влијанието што го предизвикува филмот. Ќе ми требаат неколку години, можеби и десетина, за да сфатам каков филм направивме и колку навистина оставивме длабока трага. Сè уште не можам да го гледам како публика, ниту пак да се збогувам со себе и со колегите – вели Драгичевиќ.

Тамара при снимањето на филмот соработуваше со својот сопруг, Петар Бенчина, кој го длуми докторот на Тома Здравковиќ, но тие двајца немаат заедничка сцена.

Шармот на нашиот бизнис е што никогаш не знаеме што е следно. Во актерството најмногу ми се допаѓа бидејќи не знам кој е следниот телефонски разговор и кој проект ќе работиме. Јас и Петар внимателно ги избираме улогите, но би сакале да споделиме кадар – вели актерката.

Тамара вели дека токму сцената во која се појавува нејзиниот сопруг кога во кафеаната Тома Здравковиќ ја пее „Љиљана“ оставила најголем впечаток врз неа.

Многу плачев кога првпат ја видов таа сцена. Бев како обична публика и како некој што нема никаква врска со тој проект. Сцената со Петар и Паулин Манов е клучна за целиот филм од аспект на емоциите. Мене ми беше прекрасно – вели Тамара Драгичевиќ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.