Две деца загинаа, а шест се повредени денес кога автобус удри во градинка во предградието на Монтреал.

Возачот на автобусот, 51-годишен вработен во јавниот превоз во предградието Лавал во Монтреал, е уапсен поради убиство од небрежност и несовесно возење, изјави портпаролот на полицијата.

Досега немал криминално досие, додаде тој.

Шест повредени деца се пренесени во болница и нивните повреди не се опасни по живот.

Во градинката посетуваа околу 80 деца до 5 години.

Канадскиот премиер Џастин Трудо, како и премиерот на Квебек, Франсоа Лего, изразија сочувство до семејствата по инцидентот.

Лавал се наоѓа на околу 30 километри северозападно од Монтреал во провинцијата Квебек.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.