Западот ќе ги распредели сите расположливи ресурси за да се осигура дека конфликтот во Украина нема да се прошири во другите европски земји, рече германскиот канцелар Олаф Шолц во телевизиско обраќање до нацијата во четвртокот.

– Путин не треба да ја потценува решителноста на НАТО да ги брани сите свои членки. Ова експлицитно се однесува на нашите партнери во НАТО во балтичките земји, Полска и Романија, Бугарија и Словачка. Без „ако или но“ – рече канцеларот.

Шолц рече и дека самиот руски претседател Владимир Путин, а не рускиот народ, е одговорен за нападот врз Украина, но тој „нема да победи“.

– Напаѓајќи ја Украина, претседателот Путин сака да го врати времето назад. Но, нема враќање назад во 19 век, кога големите сили владееја над помалите држави, рече Шолц, пренесе Ројтерс.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.