САД се повторно примени во Организацијата на ОН за образование, наука и култура (УНЕСКО), која ја напуштија во времето на претходниот претседател Доналд Трамп.

Многу очекуваната одлука беше донесена на крајот од дводневната специјална сесија на Генералната конференција на УНЕСКО.

САД ја напуштија организацијата со седиште во Париз пред речиси пет години, кога администрацијата на Трамп ја обвини за анти-израелска пристрасност и лошо управување. Актуелниот американски претседател Џо Бајден прекина со поизолационистичката политика на неговиот претходник.

Генералната конференција на УНЕСКО ја усвои резолуцијата за враќање на членството на САД со поддршка од 132 земји, 15 земји гласаа „воздржани“, а 10 беа „против“.

Меѓу противниците беа Сирија, Иран, Кина и Русија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.