Јазмин Паез (18) од Мајами е обвинета дека оваа недела се обидела да изнајми платен убиец да го убие нејзиниот 3-годишен син.

Инспекторите рекоа дека во вторникот биле контактирани од маж кој води лажна веб-страница за изнајмување платени убијци за да извести дека една жена контактирала со операторот за да договори убиство на нејзиното дете, пренесува ABC.

Според полицијата, основачот на веб-страницата ја создал веб-страницата за да ги фати и запре оние кои сакаат да ангажираат убиец. Полицијата соопшти дека осомничената ја дала адресата и фотографијата на детето за да му ја олесни работата на убиецот.

Таа побарала детето да биде убиено до четврток
Полицијата ја проверила веродостојноста на информациите на администраторот на веб-страницата и ја уапсила младата мајка. Според истражителите, жената побарала работата да биде завршена до четврток. Таа побарала нејзиното дете да биде однесено некаде подалеку и да се убие што е можно поскоро.

Полицијата ја следела IP-адресата на компјутерот што 18-годишната девојка го користела за испраќање барања до лажната веб-страница. Полицијата отишла на домашната адреса каде го користела компјутерот, а разговарале со бабата на детето. Полицијата го пронашла момчето живо и здраво во куќата.

Инспекторите потоа се претставиле како најмени убијци и разговарале со мајката на детето, која го потврдила барањето и се согласила да плати 3.000 долари за убиството на нејзиниот син. После тоа, Паез е уапсена.

На инспекторите им кажала дека била во романтична врска со личност на која не и се допаѓало тоа што има дете и дека заради тоа раскинале, пишува CNN. Паез се појави на суд во средата и доби правно застапување преку канцеларијата на јавниот бранител.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.