За време на Конференцијата на ОН за разоружување што се одржува во Женева, диплотатите ја напуштија салата кога преку видеоповик се обраќаше рускиот министер за надворешни работи Сергеј Лавров.

Видеото од овој гест на „Твитер“ го објави француската делегација, од каде велат дека ова е нивен начин за давање на поддршка на Украина.

Во својот говор пред преостанатите делегати во салата, Лавров рече дека за Русија е неприфатливо да има американско нуклеарно оружје на територијата на некои европски земји.

За нас е неприфатливо што се уште има американско нуклеарно оружје на територијата на голем број европски земји, со што се прекршуваат основните одредби од Договорот за неширење на нуклеарното оружје. Продолжува злобната практика на „заеднички нуклеарни мисии“ во кои се вклучени ненуклеарни членки на НАТО. Развиваат сценарија за употреба на нуклеарно оружје против Русија. Крајно време е да го вратиме американското нуклеарно оружје дома и целосно да ја демонтираме поврзаната инфраструктура на Европа, рече Лавров во видео обраќање на Конференцијата на ОН за разоружување што се одржува во Женева.

Русија ги повикува САД и нивните сојузници да се приклучат на мораториумот за распоредување ракети со среден и краток дострел во Европа, изјави рускиот министер за надворешни работи, пренесува ТАСС.

Нашата земја е еднострано посветена да не распоредува ракети со среден и краток дострел опфатени со Договорот во региони каде нема да бидат распоредени такви системи произведени од САД. Ги повикуваме САД и нивните сојузници да го следат нашиот пример, рече Лавров.

Тој, исто така, нагласи дека партнерството со АУКУС предизвика нова рунда во трката за вооружување, и тоа не само во азиско-пацифичкиот регион. – Имаме прашања во врска со контроверзната иницијатива на Австралија, Обединетото Кралство и Соединетите Американски Држави за воспоставување на затворено партнерство AUKUS, рече тој.

Шефот на дипломатијата рече дека Русија ги презема сите мерки за да ја спречи Украина да поседува нуклеарно оружје.

Властите во Киев играат опасна игра со нивните планови да се здобијат со сопствено нуклеарно оружје. Трагедијата во Украина е резултат на поддршката на западните покровители на криминалниот режим што се формираше таму. Киевските власти, кои подготвуваат заговор да стекнат сопствено нуклеарно оружје, ја загрозуваат меѓународната безбедност, тврди рускиот министер.

Тој нагласи дека Русија „немала и нема ракети со среден и краток дострел со копнени проектили“.

Тој ја повика Конференцијата на ОН за разоружување да отфрли какви било чекори за укинување на постоечкиот систем за контрола на оружјето.

Западот мора да се откаже од изградбата на воени објекти на територијата на земјите од поранешниот Советски Сојуз, рече тој. – Русија ги повикува САД строго да се придржуваат до своите обврски да не ја зајакнуваат безбедноста на сметка на другите, рече Лавров.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.