Една од најнаградуваните претстави, „Роња, ќерката на ограбувачот“, на Театарот за деца и младинци повторно се закити со најпрестижни награди, овој пат освои три на Меѓународниот куклен фестивал во Подгорица, Црна Гора, кој се одржа од 31 август до 4 септември.

Жири-комисијата, предводена од драматургот и режисер Горан Булаиќ, заедно со Алек Радиќ и Владимир Лазовски – членови, на „Роња, ќерката на ограбувачот“ ѝ ги додели наградите: гран при за најдобра претстава, награда за најдобра режија и награда за актерско мајсторство за Матеа Јанковска.

Режијата и драматизацијата на претставата се на Јакуб Максимов, а е работена според истоимениот роман од Астрид Линдгрен.

Во претставата настапуваат: Матеа Јанковска, Никола Наковски, Мики Анчевски, Катарина Илиевска-Силјановска, Ангела Димитрова и Петар Стојанов. Драматург на претставата е Горјан Милошевски, а сценографијата, дизајнот на куклите и на маските се дело на Олга Зјебињска од Полска, која ги изработи и костимите. Композитор и корепетитор е Лазар Новков од Србија.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.