Патувачката изложба на јапонски кукли „Нингјо“ е поставена во Археолошкиот музеј во Скопје.

Станува збор за сеопфатен вовед за јапонските кукли, од од Каташиро и Амагацу, кои се сметаат за архетипови на јапонски кукли, до локални кукли кои ја рефлектираат климата и анегдотите од целата земја, како и кукли играчки од денешницата кои се ценети низ целиот свет.

Нингјо значи кукла или човечки облик на јапонски и културата за кукли која се негува низ годините во Јапонија ќе биде претставена со внимателно избрани 67 кукли поделени во 4 категории: ‘Нингјо за молитва на детскиот развој’, ‘Нингјо уметност’, ‘Нингјо фолклор’ и ‘Ширењето на нингјо културата’“, се вели во најавата за изложбата.

Со оваа изложба Амбасадата на Јапонија и Археолошкиот музеј ја прославуваат 30 годишнината од воспоставувањето на билатералните односи помеѓу Јапонија и Македонија.

Влезот за изложбата е слободен.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.