Годинашното производство на пченица е околу 250.000 тони, со што ќе задоволиме 80 отсто од потребите, вели министерот за економија Крешник Бектеши.

Бектеши не очекува проблеми со увоз на жито, ниту пак со другите прехранбени производи.

Во понеделник и во вторник имаме работни состаноци во Тирана. Сакаме земјите од Отворен Балкан заеднички да ги решаваат проблемите со храна и со електрична енергија. Секоја земја ќе споделува податоци, било да е за земјоделските производи, или за електрична енергија. Тоа значи дека иако сега имаме забрана за извоз на пченица и брашно, доколку можеме, ако некоја друга земја од Отворен Балкан има потреба, ќе и извеземе. Исто така, ќе биде и за електричната енергија. Податоците ќе се ажурираат на неделна основа – објасни Бектеши.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.