Албанскиот претседател и врховен командант на вооружените сили, Илир Мета, оствари итна средба со началникот на Генералштабот на албанската армија, генерал-мајор Бајрам Бегај.

Украина била во фокус на разговорот, за кој шефот на албанската држава информираше преку објава на Фејсбук, наведувајќи дека ја споделиле заедничката загриженост со сите партнери во НАТО за „заканата од руска агресија врз оваа пријателска, независна и суверена земја“.

Имав многу плодна работна средба со началникот на ГШ на вооружените сили, генерал-мајор Бајрам Бегај. Разговаравме за ситуацијата во и околу Украина. Ја споделуваме заедничката загриженост со сите наши партнери во НАТО за заканата од руска агресија врз оваа пријателска, независна и суверена земја, како и за импликациите што оваа закана, со флагрантно кршење на меѓународното право, може да ги има за цела Европа и за нашиот регион – наведува Мета.

Мета нагласи во тој контекст, дека ја истакнал важноста од најефикасна координација со Алијансата, како и преземање мерки за продолжување на реформите со цел дополнително зајакнување на албанските одбранбени капацитети.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.