Легендарниот бразилски фудбалер Пеле почина на 82-годишна возраст. Едсон Арантес до Насименто – Пеле важи за еден од најголемите играчи на сите времиња. Со репрезентацијата на Бразил три пати беше светски првак, успех кој го нема повторено ниеден друг фудбалер.

Првата титула ја освои во 1958 година, кога како 17-годишник го воодушеви светот и веднаш стана клучен играч на репрезентацијата, втората титула ја освои четири години подоцна, а последната во 1970 година. Во својата последна порака до јавноста преку социјалните мрежи, Пеле му се обрати на Килијан Мбапе.

Ти благодарам Мбапе. Среќен сум што собори уште еден мој рекорд на ова Светско првенство!“ му порача Пеле на францускиот фудбалер.

Мбапе го собори рекордот на Пеле за најмногу постигнати голови на светските првенства во конкуренција на играчи до 24 години.

Мбапе постигна хет-трик против Полска во осминафиналето и со тоа стигна до девет гола на Светското првенство. Во финалето против Аргентинците постигна уште еден хет-трик и со тоа стигна до 12 гола на Мундијалот во Катар, што е идентично со вкупниот број на Пеле.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.