Лука Модриќ ќе остане во Реал Мадрид барем уште една сезона. Новинарот Фабрицио Романо пишува дека играчот од средниот ред потпишал договор со мадридскиот клуб до 2023 година.

Двете страни целосно се договорија за нов договор пред два месеци, но овој договор беше устен. Сега се потпишани сите потребни документи, останува да се чека официјалното соопштение од Реал.

Според шпанскиот спортски весник „Марка“, платата на Хрватот според новиот договор ќе биде иста како и сега.

За да се договори со Модриќ за продолжување на соработката, управата на Реал Мадрид имала само еден разговор со него. Лука е во Реал Мадрид од 2012 година. Со клубот освои 20 трофеи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.