Американската манекенка Џиџи Хадид се соочи со реакција од израелската Влада на Инстаграм, откако супермоделката сподели порака со поддршка за Палестина, во услови на тековната војна меѓу Хамас и Израел.

Манекенката, чиј татко Мохамед Хадид е Палестинец, викендов повторно објави став на својот профил.

„Нема ништо еврејско во односот на Владата на Израел кон Палестинците. Осудувањето на израелската Влада не е антисемитско, а поддршката за Палестинците не е поддршка кон Хамас“, гласи нејзиниот натпис.

На Инстаграм-приказната на Џиџи, официјалниот профил на државата Израел одговори со низа од повеќе објави, на пр., слика од нејзината објава и спротивна порака.

„Нема ништо херојско во колежот врз Израелците од Хамас. Осудата на Хамас за она што е (ИД), не е антипалестински и поддршката на Израелците во нивното право на борба против варварските терористи е вистинското нешто што треба да се направи“, се вели во официјалната реакција.

Владата на Израел потоа објави фотографија од крвава спална соба којашто, според наводите, му припаѓа на дете, со натпис: „Ако не го осудувате ова, Вашите зборови НИШТО не значат“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.