Жена од американската сојузна држава Њу Хемпшир завршила во контејнер, а потоа и во камионот за ѓубре, но за чудо, го преживеала целиот тој ужас само со полесни повреди.

Повозрасната Американка, чиј идентитет не се соопштува, им кажала на истражителите дека паднала во големата канта додека си го фрлала отпадот, а потоа завршила и во камионот. Возачот ја забележал несреќната жена на камерата, но дури откако по четврти пат го префрлил товарот. Потоа се јавил во Службата за итни повици.

Шефот на противпожарната служба, Боб Боде истакна дека „никогаш немал ваков случај“ за 32 години – колку што работи.

Не мислите дека е можно, но времињата се тешки и луѓето прават секакви работи. Ова ќе остане запаметено, изјави Боде.

Меѓутоа, возачот рекол дека „не му се случува ова првпат“. Жената е пренесена в болница и ѝ е укажана лекарска помош. Се очекува да биде добро. Засега не е јасно колку време таа минала во контејнерот и во камионот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.