Хакерскиот колектив Анонимус објави порака специјално наменета за руските граѓани, наводно повикувајќи ги да станат против рускиот претседател Владимир Путин и да го турнат од власта.

Заробени сте зад железна завеса на пропаганда, а вашата влада се обидува да ве спречи да бидете дел од меѓународниот разговор, од страв од тоа што би можеле да го дознаете. Режимот на Владимир Путин спроведува воени злосторства со својата неодамнешна инвазија на Украина, која предизвика огромна бегалска криза и неброени смртни случаи.

Ужасна е ситуацијата во која сте доведени, но вашата единствена опција да го спречите претстојниот економски колапс и потенцијалната светска војна е да преземете акции за отпор на војната и режимот на Владимир Путин. Путин го принесе руското население како жртва. Во овој момент најмирниот начин на кој овој конфликт може да заврши би бил народот на Русија да стане против Путин и да го тргне од власта, се наведува во видеото.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.