Протестите на антиевропската коалиција предводена од опозициската ВМРО-ДПМНЕ и проруската Левица не беа прорив последниот европски предлог туку нивната заднина беше неуспешен обид за рушење на Владата, велат од СДСМ.

Тие посочуваат дека сега кога информацијата за европскиот предлог е во Собранието, сите тоа јасно можат да го видат.

„Крвавите сценарија со намерно создавање тензии, конфликти, загрозување на стабилноста во државата се всушност борба за гола власт.За свои лични цели, Мицкоски заедно со Апасиев беше подготвен да ја втурне целата држава во конфликт, преку опасно, мрачно и крваво сценарио за граѓански судир и етнички конфликт. Не успеја овие сценарија кои беа помогнати и од Алијанса.Сега е одговорност на Собранието и избраниците на граѓаните да донесат одлука за иднината.Сите политички чинители во државата сега треба да покажат одговорност, да придонесат важната државна одлука да биде донесена во демократска атмосфера.Сериозни времиња бараат одговорни политичари.Наместо насилство и дестабилизација да избереме хармонија и просперитет, во спротивно губитник е Република Македонија и сите нејзини граѓани“, објаснуваат од владејачката партија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.