Христијан Мицкоски треба да знае дека заврши времето кога политиките во енергетскиот сектор се носеа во партиски седишта, велат во денешното соопштение од СДСМ, и додаваат дека белиот дворец не е место за решавање туку за создавање проблеми, таа зграда е синоним за корупција и олицетворение на криминал од каде произлегуваат сите блокади на штета на граѓаните и државата.

И за време на енергетската криза како и за време на пандемијата со коронавирусот, Мицкоски и ВМРО-ДПМНЕ се однесуваат неодговорно, незрело, себично и популистички, на штета на граѓаните. Ако толку е загрижен за енергетската криза, Мицкоски нека ја отстапи струјата од своите хидроцентрали бесплатно за граѓаните, а не наутро да лаже на прес конференции, а попладне да брои пари од високите фактури од неговиот бизнис со хидроцентралите, стои во соопштението.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.