Димитров – камелеон без датум и без место во владата!

Воден од принципите на кариеризмот Никола Димитров 5 години ја играше улогата на дипломатска фасада на владата на СДСМ и ДУИ, за возврат на добиената фотеља, статус и повластици.

Пред странската јавност се трудеше да ги затскрива владините девијации и институционалниот рекет говорејќи за реформите кои никаде не се случија.

Пред домашната јавност упорно манипулираше со најавата на датумот за преговори со ЕУ, кој никогаш не се случи.

Пред шефот и со шефот беше спремен да се фотографира во сите пози само за да ја задржи позицијата на корисен политички камелеон:

– го сликаше Заев со Трамп и поздравот од 2 секунди да го пласираше како средба

– се сликаа полуголи на одмор

– се фотографираа и со сопругите на ранчот во Струмица, возејќи квадрицикли

– и се разбира, Димитров успеа да има најширока насмевка на легендарната фотографија од авиончето кога заедно со Заев, Бујар и Анѓушев лажеа дека сме го добиле датумот кој сеуште го немаме.

За 5 години функција го продаде и достоинството на народот, суверенитетот на Уставот и придавката македонски само со еден потпис, додворувајќи му се на шефот да биде кандидат за претседател на државата.

СДСМ објави дека во новата влада нема да има место за овој политички камелеон, со тоа индиректно признавајќи го неуспехот и на Димитров и на целата влада во дипломатијата и во европските интеграции, без членство во ЕУ, а со многу понижувања и манипулации за народот.

На крајот од празната фраза на Димитров “ќе не’ биде” остана само ЌЕ, а од ветуваното членство во ЕУ останаа само фотографиите во мини Шенген, напиша Антонио Милошоски на својот фејсбук профил.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.