Претседателот на ВМРО-ДПМНЕ, Христијан Мицкоски денеска присуствуваше на свечената литургија по повод големиот православен празник Христово Воскресение – Велигден во Соборниот храм „Свети Климент Охридски“ по што даде и изјава за медиумите.

Запрашан за коментар за тоа дали е можен договор помеѓу СОНК и Владата за учениците конечно од вторник да се вратат во клупите, Мицкоски истакна дека Владата треба да ги прифати барањата на СОНК и апелираше до Ковачевски и останатите на разум.

Јас апелирам да се постигне договор час поскоро и од вторник сите ученици да се вратат онаму каде што им е местото, во клупите. Владата треба да ги прифати барањата на СОНК, а не со нивниот омилен синдикалец кој што напати во минатото се покажа како верен послушник на политиките најпрвин на Зоран Заев, а сега и на Ковачевски, да прави некакви квази договори. Апелизам за разум до Ковачевски и останатите да намалат со крадењата и трошењата и да ги задоволат барањата на СОНК и на наставниците и на вработените во градинките, а учениците да се вратат во вторник онаму каде што им е местото, а тоа е во клупите, потенцираше Мицкоски.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.