Драган Ковачки им се обрати на сите припадници на АРМ, сегашни, но и поранешни.

Неговото обраќање го пренесуваме во целост:

За поранешните и сегашните припадници на АРМ:

На 18.04.2022 година по ИТНА постапка, пратеничката група на ВМРО-ДПМНЕ и коалицијата поднесе Предлог-Закон за измени на постоечкиот Закон за Служба во АРМ.

На 10 мај, на седницата на Собранието на РМ, владејачкото мнозинство на СДСМ-ДУИ-ЛДП-ДС-Алтернатива, тој предлог на закон да биде ставен како точка на дневен ред го ОДБИ.

Значи, ПРОТИВ гласаа и пратенците кои порано биле дел од АРМ, а тоа се генералот Илија Николовски од Партијата на Пензионери и мајорот Талат Џафери кој дури беше и министер за одбрана. Значи, поранешни старешини гласаа против сопствената војска.

Со ова, власта го покажа своето лицемерие и покажа дека е против:

– решавање на статусот на вработените кои веќе 19 месеци чекаат решение за нивниот статус и заминување во пензија,

– исправање на неправдата кон веќе заминатите во пензија (кои заминале по понеповолни услови од нивните колеги),

– помош на професионалните војници со парични средства кои после 45 години ја напуштаат АРМ,

– департизација на АРМ и враќање на ингеренциите на Началникот на Генералштаб што му ги одзема претходниот министер – Шекеринска.

Во услови кога на исток во Европа имаме војна чиј развој не може да го предвидиме, неодговорно е власта да создава криза во АРМ (а ја создадоа со тоа што во ист момент имаат две формации на сила што е НЕДОЗВОЛЕНО!) и неодговорно е да гласаш ПРОТИВ решавањето на статусот на припадниците.

Нашата пратеничка група не се откажува од изнаоѓање на решение за овие проблеми и без разлика што активната блокада на Собранието е започната, најавувам дека во текот на утрешниот ден – 16 мај Понеделник, повторно ќе поднесеме предлог на Закон за измени и дополни на Законот за Служба во АРМ и тоа по скратена постапка.

Значи, утре повторно ќе го предложиме истиот Закон што веќе го одбија, но овој пат по скратена постапка.

Бидејќи ја дотераа инфлацијата веќе на 10% и парите ја губат својата вредност, сакам да информирам дека како пратеничка група ќе бараме:

– зголемување на платата на сите вработени во АРМ и МО за 10% на ист начин како што тоа го бараме за МВР,

– зголемување на дневниците на 2.000 денари, на ист начин како што тоа го направивме за МВР и безбедносните служби.

Неспособните кои ја создадоа оваа состојба, мора да имаат слух за тоа што го предлагаме.

Ако се свесни дека од незнаење и ловење на дневен ПиАр преку импровизации ја упропастија АРМ и ги понижија нејзините припадници, тогаш нека послушаат и нека прочитаат какви решенија предлагаме.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.