Шоуменот Бојан Јовановски, кој заглави судските ходници, па во затвор за случајот „Рекет“ со фамозната „луј витон“ торба и поради организацијата „Меѓународен сојуз“, во поткастот „Лазаров“ пет часа зборуваше за функционерите и јавни лица кои биле вмешани во криминали, на кои тој бил сведок.

Од црното тефтерче на Боки во неговата исповед излегоа имињата на семејството Заеви, особено браќата Зоран и Вице, нивниот добар пријател политичарот Венко Филипче, некогашната обвинителка Вилма Русковска, потпретседателите на СДСМ Стефан Богоев и Сања Лукаревска, новинарите Сашо Ордановски и Борјан Јовановски итн итн.

Венко Филипче кај мене дома се дрзна да преговара за милионски бизниси, сакаа да продаваат болница со Јордан Камчев. Преговараа за продажба на болницата и Филипче, како тогашен министер за здравство си побара колку пари треба за него и Заев, вели Јовановски.

Повеќе:

Боки 13: Филипче кај мене дома преговараше продажба на ГОБ „8 Септември“ и договараше процент за него и за Заев

За фамозната торба, рече завршила кај Вице Заев: 

Бојан Јовановски: Кичеец ја однесе тoрбата „Луј Витон“ кај Вице Заев

Боки 13 читаше пораки за кои рече дека се разменети помеѓу него и Русковска, тогаш шефица на Обвинителството за гонење организиран криминал и откри дека два дена пред пресудите за „27 април“ таа веќе ја знаела судбината на обвинетите кои поради неа лежат за делото „тероризам“.

Повеќе:

„Само една ослободителна, другите сите високи“: Русковска предвреме ги знаела пресудите за „27 април“

Тој ја спомена и директорката на УЈП, Сања Лукаревска, која е носител на листа за СДСМ, за која вели уште молчи за скандалот од 800.000 евра за РЕК Битола во кој е вмешана.

Повеќе:

Јовановски: Инспекторите на Лукаревска ми вршеа психичка тортура за да потпишам непостоечки работи, а таа молчи за скандалот од 800.000 евра за РЕК Битола во кој е вмешана

Јас бев сведок кога Силјан Мицевски во мојата канцеларија во 1ТВ му даде полн коверт со евра на Александар Кирацовски, зборува Боки во врска со далаверите во РЕК Битола.

Повеќе:

Боки 13: Силјан Мицевски во мојата канцеларија во 1ТВ му даде полн коверт со евра на Александар Кирацовски

 

Јовановски рече дека многу избори во Македонија се наместени. Едни од оние кои ги спомена беа и локалните избори:

Јас преку мои контакти излобирав Стефан Богоев да стане градоначалник на општина Карпош, вели Боки 13

Зборувајќи за неговата телевизија, тој не штедеше зборови ни за „големите новинарски имиња“.

Да не ги заборавиме контактите на Ордановски со разни позиционирани лица. Подоцна беше човек кој ги бранеше тезите на обвинителството на Русковска, вели Јовановски.

Боки за уредниците од 1ТВ: Сашо Ордановски работи за служби, Борјан Јовановски е несериозен лик, ме оговараа во Фејсбук група

Ме изманипулираа. Дозволив и огорчен сум, вели Боки 13 зборувајќи за СДСМ.

Бојан Јовановски: СДСМ е секта која се убива меѓу себе, по овие избори нема да постои како партија



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.