РСМ НУ Македонски народен театар оваа година со претставата „ЛАГАТА“ ќе учествува на 31. Фестивал на камерен театар „Ристо Шишков“.

Претставата е работена според текст на актуелениот француски писател Флоријан Зелер, во режија на Бесфорт Идризи, а играат: Јордан Симонов, Габриела Петрушевска, Оливер Митковски и Драгана Левенска.

„ЛАГАТА“ ќе се одигра на 12 септември со почеток во 20:00 на сцената во театарот „Антон Панов“, Струмица, а во чест на нашиот драг колега, соработник и пред сѐ голем пријател – Крсте С. Џидров.

Џиби, како што го нарекувавме во театарскиот свет. Тој од 1984 до 2022 е автор на сценографии за 12 (дванаесет) претстави во МНТ, а токму претставата „ЛАГАТА“ е негова последна сценографска креација во овој театар.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.