Вчера вечер на автобуска постојка на булеварот АСНОМ, во подрачјето на Аеродром, пронајдена е почината жена во возраст од 45 години од град Скопје, позната како М.Г.

Според пријавата, додека била во автомобилот „рено канго“ со скопски регистарски табели, заедно со својот познаник Т.Н. во возраст од 50 години од ист град, таа колабирала и подоцна починала.

Според лекарите на телото на жената немало видливи траги на насилство и била констатирана смрт.

Според наредба на јавниот обвинител, телото на жената е предадено на обдукција. Полициска екипа извршила увид на местото на настанот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.