Силниот пожар кај Дојран, кој дојде пред селото Николиќ, се гасне со помош на полициски хеликоптер и авион „Ер трактор“.

Според последните информации од Центарот за управување со кризи (ЦУК), покрај хеликоптерот на МВР со ведро од три тони, кој дејстува на местото на пожарот, се очекува да пристигне и еден „Ер трактор“ на Дирекцијата за заштита и спасување (ДСЗ), кој досега учествувал во гаснењето на пожарот кај Демир Хисар.

Пожарот го гаснат и пожарникари од Дојран, Валандово, Гевгелија и екипи на ЈП „Национални шуми“.

Според информации од жители на селото Николиќ пожарот бргу се проширил на напристапен терен заради силниот ветер, но засега нема опасност да се прошири и кон селото.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.