Грчките земјоделци од северниот дел на земјата, вечерва го блокираа преминот Евзони (Богородица) кон Македонија за влез на товарни возила.

Веста за МИА ја соопшти началникот на Регионалниот центар за гранични работи Југ при МВР, Славчо Богев.

-Преминот Евзони е блокиран од 18:30 часот за влез на товарни возила и според информацијата од грчка страна блокадата ќе трае еден час, односно треба да заврши во 19:30 часот по македонско време, изјави Богев.

За времетрањето на блокадата не се пропуштаат камионите, односно како што беше порано кога на секои половина час по десет минути се пропуштаа возила.

Во изминатите денови иако имаше најави за блокади на Евзони од грчките земјоделци, сепак преминот остануваше отворен. Последен пат овој премин за влез во Грција беше блокиран на 20 овој месец.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.