Девојката на исчезнатиот Матеј: Тој не се дрогира и никогаш не правел проблеми, шест месеци планираше да оди во Белград

Девојката на Матеј Периш, момчето од Сплит коешто исчезна во Белград, во изјава за „Курир“ зборува што се случувало пред тој да тргне кон Белград за дочекот на Новата година и зошто таа не дошла со него во српскиот главен град.

27-годишниот Матеј исчезна во ноќта меѓу 30 и 31 декември, кога заедно со друштвото бил во ноќен клуб во Белград. Потрагата и натаму трае, а од час во час се појавуваат нови информации.

Не знам што да ви кажам. Момчето во црните патики е тој, во белите не е. Во водата не е тој, тоа да го знаете, се знае дека снимката е стара. Знам дека Матеј порано никогаш не правел такви инциденти, ниту лудости, знам со кого сум во врска – вели девојката по име Сања.

Таа објаснува дека Матеј бил возбуден и среќен што оди во Белград за Нова година и дека тоа го планирал шест месеци. Таа не сакала да оди со него, бидејќи бил со машко друштво и немало смисла да оди и таа.

Меѓу нас немаше никакви проблеми“, наведува Сања, која е децидна дека Матеј воопшто не бил проблематично момче, не се дрогирал и никогаш не правел слични ексцеси.

Таа последен пат се чула со Матеј на 30 декември, кога тој ѝ пратил видеопорака околу 21 часот и 30 минути.

Телефонот ми се изгаси, а бев на работа. Дојдов дома околу полноќ и му одговорив на пораката, па си легнав. Се разбудив околу седум утрото и видов дека не ми пратил порака за добра ноќ кога се вратил од излегувањето. Тогаш пак му пишав и го прашав дали е сѐ во ред – вели девојката за „Курир“.

Сеоак, одговор и натаму немало и таа повторно му пишала околу 14 часот, повторно безуспешно.

Размислував дали можеби не спие толку долго. Тогаш, подоцна попладнето, се слушнав со неговите пријатели, кои ми кажаа дека тој е исчезнат, дека јакната му останала, дека не знаат што се случило. Тие беа избезумени – додава Сања.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.