Ал-Наср се обидува оваа зима да го ангажира играчот од средниот ред на Реал Мадрид, Лука Модриќ.

Како што објави весникот „Оказ“, клубот од Саудиска Арабија на 37-годишниот Хрват му нуди 2,5-годишен договор и 100 милиони евра. Годишната плата на фудбалерот ќе биде околу 40 милиони евра.

Во случај Реал да не го пушти Модриќ, раководството на Ал-Наср ќе направи обид да го ангажира играчот од средниот ред на лето.

Модриќ игра за Реал Мадрид од 2012 година, кога дојде од Тотенхем. Во тековната сезона за „кралскиот клуб“ одигра 23 натпревари во сите натпреварувања, постигна пет гола и даде две асистенции. Актуелниот договор со Реал му е до летото 2023 година.

Порталот Трансфермаркт ја проценува вредноста на играчот на 10 милиони евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.