Шест француски градови најавија бојкот на Светското првенство во 2022 година во Катар, пренесува „Ge.globo“, повикувајќи се на Градскиот совет на Париз.

Според спортскиот портал, Париз, Марсеј, Лил, Стразбур, Ремс и Бордо нема да организираат гледање натпревари во живо и други настани за фудбалскиот Мундијал.

Оваа одлука е протест на градските лидери против Катар како земја домаќин на Светското првенство во 2022 година.

Мундијалот во Катар ќе се игра од 20 ноември до 18 декември. Франција е во Д-групата заедно со Австралија, Данска и Тунис.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.