Ако светот се занимаваше со раскинувањето на Пике и Шакира, кои по една деценија бурно се разделија, Балканот, пак, пишуваше за разводот на Бајага, во Македонија неколку јавни врски го имаа својот крај во 2022 година. Се разбира, секое од тие раскинувања ја заинтересира и јавноста.

1. Антониа Гиговска и Иван Јованов

Убедливо најголема помпа се направи околу разделбата на Антониа Гиговска и Иван Јованов. Девојчето кое го запознавме преку „Ѕвездичките од Пинк“, сега е една од најпознатите и најбарани пејачки во Македонија. Таа годинава стави крај на врската со постариот колега Иван Јованов и порача дека периодов се пронаоѓа сама себе и не е во врска со никого.

Антониа Гиговска го прекина молкот, откри со кого е во врска

2. Тамара и Мачка

Седум години по свадбата пејачката и поранешниот кошаркар Александар Димитревски – Мачка одлучија да се разведат, но и покрај тоа да останат во добри и коректни односи, пред сѐ штитејќи го интересот на нивните две деца. Дека навистина останаа на зборот потврдува и неодамнешниот роденден на нивното синче, кој го прославија заедно.

Тамара: На тастатура секој е јак, еден ден ти даваат аплаузи, друг те навредуваат во коментари

3. Тамара и Катарина

Овојпат засекогаш: Тамара Тодевска и Катарина Ивановска повторно се скарани, причината била доста сериозна

Иако не станува збор за романтична врска или брак, кавгата меѓу двете најдобри пријателки беше доста интересна за јавноста, особено зошто не им е првпат да не зборуваат. Дали можеби повторно ги закопаа секирите почна да се зборува неодамна, кога на „Инстаграм“ беше споделена стара фотографија од друштвото.

4. Иванна и Влатко

Поранешната водителка и советничка во владата годинава му стави крај на долгогодишниот брак со Влатко Кошевалиски. Сепак, секогаш насмеата Иванна не остана долго сама, па како што зборува чаршијата, веќе е во љубов со доктор од Битола.

5. Жарко Димитриоски и Марија

Долгогодишна врска раскина водителот Жарко Димитриоски од „Еден на Еден“. Според него, ниедна врска нема смисла на долг рок, ако немаш вистински, искрен партнер покрај себе.

Секоја врска е партнерство. Добрата врска е цврсто и сигурно партнерство. Мое длабоко убедување е дека клучно е да знаеш и да си уверен дека имаш вистински, искрен партнер покрај себе. Без тоа ниедна врска нема смисла на долг рок и подобро е да заврши, рече по раскинувањето Жаре.

Не кријам дека раскинав стара врска, но не сум човек што цело време објавува со кого е и што прави вели Жаре од „Еден на Еден“

6. Костадин Костадинов и Марија

Без својата Марија остана и струмичкиот градоначалник Костадин Костадинов. Иако по долгогодишната врска и по ланското запросување, двојката наскоро требаше да застане пред олтар, неодамна тие раскинаа. Гласините се дека убавата битолчанка сфатила дека во Струмица нема живот за неа, па оставајќи го Косте замина надвор од Македонија.

7. Туна

Пејачката Туна Сејдиу годинава стави крај и на вториот брак. Нејзината врска со сопругот Патрис Бериша, музичар од Косово, подолго време не функционирала, па Туна била таа која се решила да стават крај на нивната љубовна романса.

Пропадна и вториот брак: Туна Сејдиу се разведе од косовскиот музичар Патрис

8. Саше Политико

Самонаречениот новинар по турбулентните години во љубовта, годинава доби документи за развод. Веста ја објави адвокатот Јанаки Митревски, кој порача дека едвај чека да се видат во суд и дека „Кармата е кучка“.

Се сакаа, се тепаа, на крај се разведуваат



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.