Времето во Македонија денеска претпладне ќе биде сончево и многу топло со мала до умерена облачност, а во попладневните и вечерните часови наместа ќе има развој на нестабилна облачност со пороен дожд, грмежи и засилен ветер, која локално ќе биде со услови за појава на краткотрајно невреме, град и силен ветер.

Максималната температура ќе биде во интервал од 27 до 38 Целзиусови степени. УВ индексот ќе изнесува 8.

Во Скопје ќе биде сончево со мала до умерена облачност и слаб до умерен северозападен ветер. Максималната температура ќе достигне до 35 степени. Маврово 27, Охрид 30, Битола 33, Крива Паланка 32, Берово 31, Кавадарци 37, Дојран 38.

Во следните денови претстои период на многу топло време со дневни температури кои насекаде ќе бидат над 30 степени. Поради зголемената влага во атмосферата ќе се има чувство дека температурата на воздухот е повисока за 1 до 2 степена.

И покрај топлото време поради влијание на циклонска активност од исток, претежно во попладневните и вечерните часови наместа ќе има развој на нестабилна облачност со пороен дожд, грмежи и засилен ветер, а локално ќе има услови за појава на краткотрајно невреме со појава на град и силен ветер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.