Не треба да се чекаат подобри времиња, за да се приближи уметноста до вистинските почитувачи…Оттука идејата на Љубица Мешкова и Димитар Солак да отворат токму сега галерија со пратечки concept store, што е една храбра одлука ако се знае дека приватните галерии се реткост на овие простори, за разлика од светот во кој тие се дел од општествената реалност.

Ова е новиот прозорец кон уметноста и применетата уметност која ја потпишуваат бројни македонски уметници кои овој пар ги избра да ги изложи на продажба во овој осмислен простор.

Да ја доближиме уметноста до секој, за да не ги плаши таа комплексност оние, кои тврдат дека не разбираат уметност. Нашата заложба е воспоставување на одржлива културна сцена во градот и секако промоција пошироко, а притоа уметниците би добиле можност да ги презентираат своите дела во еден современ простор кој ќе ги приближи до нивните купци. Имаме уметнички дела од реномирани македонски сликари и скулптори, а имаме и интересни парчиња применета уметност од веќе етаблирани дизајнерски уметнички брендови истакна Буба Мешкова – Солак.

Има од прекрасни уметнички ситници до раскошни платна.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.