Актуелниот македонски ракометен првак Вардар 1961 е чекор поблиску до одбрана на титулата откако со 31:24 го совлада Еурофарм Пелистер.
Вардар замина на полувреме со предност од 13-10, која со фуриозен старт на второто полувреме ја зголеми на 18-11 во 36 минута.
До крајот на натпреварот Вардар во неколку наврати имаше највисока предност од седум голови разлика и забележа важна победа во битката со директниот конкурент за титулата.
Дејан Манасков и Филип Талески со по седум голови беа најефикасни во редовите на Вардар и воедно на натпреварот, додека Жарко Пешевски со пет погодоци го предводеше ботолскиот вицешампион.
Натпреварот започна со инцидент на трибините. Првото полувреме беше прекинато во 17 минута, при резултат 6:6, откако во салата влегоа навивачите на битолскиот прволигаш по што почнаа да фрлаат со пиротехнички средства кон домашната публика.
Десетина навивачи на Вардар веднаш потоа влегоа на теренот и возвратија кон навивачите на Еурофарм Пелистер со пластични шишиња и тврди предмети, по што судиите го прекинаа натпреварот, а играчите на двете екипи се повлекоа во соблекувалните.
Натпреварот беше во прекин околу половина час и дербито продолжи откако обезбедувањето во салата и полицијата обезбедија нормални услови за игра.
Реваншот е на 7 мај во Битола.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.