Украинскиот претседател Володимир Зеленски ја оквалификува ситуацијата во Донбас како „исклучително тешка“, повторувајќи ја важноста од снабдување со оружје за одбраната на земјата.

„Ситуацијата во Донбас е исклучително тешка. Сите сили што се уште ги има руската армија се однесени таму…сакаат да уништат се“, рече Зеленски.

Тој повтори дека снабдувањето на Украина со тешко оружје е најдобрата инвестиција за одржување на глобалната стабилност во светот и, како што рече „спречување на многу тешки кризи што Русија има намера да ги испровоцира“.

Претставници на украинската одбрана предупредуваат дека рускиот напад во источна Украина моментално е во најинтензивна фаза и потенцијално може да ја одреди судбината на земјата.

Москва одлучи да ја интензивира офанзивата во Донбас во источна Украина, откако ги повлече силите од околината на два големи града, Киев и Харков.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.