Во Египет денеска почнува гласањето на претседателските избори, на кои се очекува актуелниот претседател Абдел Фатах ал Сиси да освои трет мандат.

Победата на изборите би значела нов шестгодишен мандат за Ал Сиси, кој тој може да го посвети на справување со инфлацијата, недостигот на девизи и напорите да го спречи конфликтот меѓу Израел и палестинското исламистичко движење Хамас да се прелее во Египет.

Избирачите денеска и во наредните два дена ќе можат да го остварат своето избирачко право од 09 до 21 часот по локално време.

Се очекува резултатите да бидат објавени на 18 декември.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.