Републиканскиот кандидат и поранешен американски претседател Доналд Трамп ја обвини администрацијата на Бајден за ескалацијата на конфликтите во делови од Блискиот Исток, ветувајќи дека ќе го врати мирот во регионот доколку биде избран.

Светот е во пламен и надвор од контрола. Немаме раководство, никој не ја води државата. Имаме непостоечки претседател Џо Бајден и целосно отсутна потпретседателка Камала Харис – се вели во соопштението на Трамп.

Тој додаде дека „Иран бил под контрола“ кога тој бил претседател.

Иако Трамп воведе тешки санкции врз Иран откако го отфрли историскиот мултилатерален нуклеарен договор, Техеран продолжи да ги вооружува и финансира своите сојузници во регионот за време на неговиот мандат.

Бајден продолжи да ги спроведува санкциите од ерата на Трамп кон Иран и додаде повеќе казни против Техеран во изминатите три години.

Трамп без докази повтори дека нападот на 7 октомври врз Израел предводен од Хамас немаше да се случи доколку тој беше на власт.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.