САД, најголемиот донатор на Светската здравствена организација (СЗО), се спротивставуваат на предлозите организацијата да се направи понезависна.

Предлогот претходно направен од Работната група на СЗО за одржливо финансирање ги повикува земјите-членки постепено да ги зголемуваат задолжителните донации до 2024 година, така што нивните пари ќе сочинуваат половина од буџетот на организацијата, наспроти сегашните 20 проценти. Планот е дел од поширокиот реформски процес поттикнат од пандемијата СОВИД-19, која укажа на ограничувањата во способноста на СЗО да реагира на кризи порано.

Поддржувачите на реформата велат дека сегашното потпирање на доброволно финансирање од земјите-членки и добротворни организации, како што е Фондацијата Бил и Мелинда Гејтс, ја принудува СЗО да се фокусира на приоритетите поставени од финансиерите и да ги ограничува критиките од членовите.

Сепак, САД се противат на реформата, изразувајќи загриженост за способноста на СЗО да се соочи со идните закани, вклучително и заканите од Кина, изјавија официјални лица вклучени во преговорите. Вашингтон се залага за создавање на специјален фонд директно контролиран од донатори, кој би финансирал превенција и контрола на вонредни здравствени состојби.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.