Руски беспилотни летала утрово го нападнаа украинското пристаниште Одеса, соопштија локалните власти, истакнувајќи дека нападот предизвикал штета, пренесува „Гардијан“.

Непријателот штотуку ја погоди Одеса и областа околу Одеса со офанзивни беспилотни летала, соопштија локалните власти во соопштение на Фејсбук.

Предизвикана е штета, се вели во соопштението без дополнителни детали, пренесува британскиот весник.


Според соопштението на украинската армија, силите за противвоздушна одбрана биле активни и предупредуваат на можен втор бран напади.

Украинските одбранбени сили уништија 14 од 17 ирански дронови Шахид, кои Русија ги лансираше во текот на ноќта, веројатно од областа на источниот брег на Азовското Море, соопшти украинската војска, а 13 беспилотни летала беа уништени над регионот Одеса на југозападот на земјата.

Јужната воена команда на Украина соопшти дека беспилотно летало погодило компанија во областа Одеса, предизвикувајќи пожар, кој бил изгаснат до утрото.

„Според прелиминарните информации, нема човечки загуби“, се вели во соопштението на украинската команда.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.