Украинскиот министер за надворешни работи Дмитро Кулеба побара повеќе оружје и дополнителни санкции за Русија.

Неговото барање уследи откако Москва најави проширување на офанзивата во Украина.

Русите сакаат крв, а не преговори. Ги повикувам сите партнери да ги зајакнат санкциите против Русија и да ја забрзаат испораката на оружје за Украина – напиша Кулеба на Твитер.

Претходно, шефот на руската дипломатија Сергеј Лавров изјави дека Москва нема исклучиво да се концентрира на источниот дел на Украина, како и дека преговорите меѓу Русија и Украина во сегашната ситуација немаат смисла.

Руските сили изминатите недели бомбардираат цели во неколку украински градови и напредуваат во источна Украина.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.