Шпанскиот премиер Педро Санчез е позитивен на коронавирусот и ги откажа настаните од неговата програма.

Ова се случи два дена откако Санчез се врати од Њујорк, каде заедно со шефовите на држави и влади на многу други земји учествуваше на 77-та годишна сесија на Генералното собрание на Обединетите нации.

– Утрово имав позитивен тест за Ковид-19, напиша шпанскиот премиер на Твитер. Тој најави дека нема да присуствува на настан во близина на Барселона организиран од каталонските социјалисти.

– Ќе продолжам да работам и ќе преземам екстремни мерки на претпазливост, додаде Санчез.

Тој не прецизираше како се чувствува и колку време нема да присуствува на состаноци.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.