Папата Франциско ги повика службениците на Канцеларијата на главниот ревизор во Ватикан да се борат против „подмолноста на корупцијата“ во Светата столица и државата Ватикан и ја истакна важноста од елиминирање на корупцијата во Ватикан.

На средбата со претставниците на тоа антикорупциско тело, папата ја истакна потребата да се балансира „апсолутната транспарентност во секоја акција“ со „милосрдна дискреција“, бидејќи, како што рече, скандалите повеќе служат за полнење на страниците на весниците отколку за суштински правилно однесување.

„Ве повикувам да им помогнете на оние кои се одговорни за управување со имотот на Светата столица да создадат заштитни мерки кои можат да спречат да се материјализира подмолноста на корупцијата“, додаде папата.

Тој нагласи дека заводот за ревизија е независен, бидејќи не зависи хиерархиски од други субјекти и дека се заснова на меѓународни принципи и професионализам, пренесува „Vatican News“.

Канцеларијата на главниот ревизор е основана од папата Франциско пред девет години како антикорупциско тело задолжено за финансиска ревизија во рамките на државата Ватикан, пренесува Танјуг.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.