Непосредно откако ОПЕК + објави дека ќе го намали своето комбинирано производство на нафта за повеќе од 1 милион барели дневно, „Голдман Сакс“ објави ревизија на прогнозата за цената на нафтата, зголемувајќи ја од 90 на 95 долари на крајот на годината за суровата нафта од типот Брент. Банката, исто така, ја зголеми својата прогноза за нафтата Брент за 2024 година, сега поставувајќи ја на 100 долари на крајот на годината од претходната проекција од 97 долари.

Минатиот месец „Голдман Сакс“ соопшти дека цената на суровата нафта може да се зголеми до 107 долари за барел доколку ОПЕК ги исполни своите производствени цели. Во тоа време Брент се тргуваше по цена од околу 84 долари за барел.

Во истата мартовска прогноза, аналитичарите на „Голдман“ предвидуваа дека зголемената побарувачка од Кина и бавното зголемување на производството надвор од ОПЕК може да го поттикнат картелот да ги преиспита своите цели и да почне да го зголемува производството од јуни наваму.

Сепак, дури и под тоа сценарио, аналитичарите на „Голдман“ забележаа дека цената на нафтата ќе се зголеми во втората половина од годината. И тоа сценарио предвиде 1 милион барели дневно додадени на глобалната понуда.

Потоа, на крајот на март и со цените на нафтата сè уште прилично пониски, „Голдман“ ја повтори својата нагорна перспектива, советувајќи ги трговците да го купат падот додека трае.

Ние би рекле дека во овој момент го купувате падот. Никогаш не сум видел пазар да се продава толку драстично, но да има нагорна структура. Изненадувачкото намалување на производството е во согласност со новата доктрина на ОПЕК + да дејствуваат превентивно бидејќи можат без значителни загуби во уделот на пазарот“, изјави Џефри Кари, раководител на одделот за суровини на инвестициската банка.

ОПЕК + објави неочекувано ажурирање на намалувањето на производството, од 1,16 милиони барели дневно, при што Саудиска Арабија го зазема лавовскиот дел, со 500.000 барели дневно.

Според неименувани извори кои зборувале за „Фајненшл тајмс“, официјален Ријад бил вознемирен од одлуката на администрацијата на американскиот претседател Џо Бајден да го одложи почетокот на купувањето нафта за СПР.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.